حقوق النشر غير محفوظة..يمكنك السرقة لكن اذكر المصدر و الا سأقل أدبي عليك

من الايجابيات ديال الأغاني الجديدة والموجة للي فرعوا لينا الراس بها أنها كتعرض المشاكل ديال الواقع بلا نفاق.واحد الأغنية على سامية والغالية للي زوينة يمكن الجملة الأولى كتختصر كلشي كتقول علاش أسامية عندك فلوس وخرجتي للطريق وعلاش أغالية تبعتي للفلوس وخرجتي للطريق..بالعربية كتبين علاش بنادم كيخرج ليها سواء لمرفح ولا لمزلوط..الأغنية وخا خاسرة مكتبررش هادشي العكس كتبين أن العاقبة خايبة وحدة انتحرات وحدة معرفت ليها نسيت تنعاود نسمع ليها..ولكن عيقوا علينا يوميا مبرزطينا بفرقة من هادو للي سروالهم طايحين ومدوزينهم فالتلفزة..بحال ايلا هادشي للي خاصنا فالتنمية الحشرية أما البشرية راه فوق طنجة ب 14 كلم

تقرا جريدة تطلع لك القردة واحد قاتل باه وحدة مقطعة راجلها سرو علاش تزوج.. كل واحد دابا كيلقا يدير شرع يديه ..لقرقوبي كيتباع كثر من توفيتة الشراب كن مكانش ربي محرمو تلقانا كنعوموا بيه..نيت قال ليا واحد الكذاب قهرني بالكذوب عبدو أن الفوودكا كيسيقوا الكوابن بها فروسيا..

كيفاش تفرق بينا وبين أروبا قبيلة

داك النهار مكاين ميدار للي خدام ولا ناعس فدارهم عييت من الدوران والعصير فالقهاوي دخلت أول سبير لقيتوا..السبيرات ديما كتلقا لبوسط للي فالقنت ولا مخبيين عامرين..للي كيشوف ليكرو بعين ويحضي يعين كنعرفوا اينا سيت جابد ولا للي مكتسمعش تقرقيب لكلافيي عرفوا كيتفرج فشي خاجة بحال وجهوا..بعض الظن اثم..واحدة باركة حدايا كدوي مع شي واحد من هادوك كتحلف ليه وتقول ليه هنكتب ليك هاد الكلمة..دايرة فيها حشمانة وخا كاين شي وحدات أنا كنحشم بلاصتهم..داير كاسك بلا صوت طالق وذني كنسمع ليها كتقول ليه بحب الراجل لحمش.. والقرد فرحان ..مقابل معايا واحد الدري كيستيتي مع شي كندية ولا فرنسية عندو مع فرونصي ديال ميدي 1..السبير فالليل كيكون زوين كسكونوا فيه غير هما..كنعرف وحدة ديما كذخل ضاربة المرطوب لوجهها هي وشي صحاباتها ولا خواتاتها..كاريين حدايا...وخا طالبات كنلقا فالطارو ديالهم فالصباح لفرماج والبيتزا ودانون..مكنقلبوش..أنا للعكس عندي فالدار مصنع لتدوير النفايات تاحاجة مكتلاح..مهم هاد الأخوات الفاضلات كيدخلوا مول السبير كيبدا يفيبري كيركب ليهم لكام خاصة فيها الضو.. وللي بغاوها تجيهم فلبلاصة ونبدا نسمع فنايل سات اللهجات كلها خدامة ولبورطابلات كيصونيو..أما دراري مساكن محشرين تابعاهم لبطالة والهم والعقد..واحد بارك حدايا لقيتو كيقول ليا نحيد ليه لكام..يمكن شي وحدة قالت ليه دير لكام درتم معاه زوين خليه يفرح.. وقيلا قال ليا انو كيشبه لرامي عياش..رامي عياش واكل التوكال..الدريات

زكرياء للي كتبت عليه أخر مرة ..قالوا ليا بزاف علاش كتقول ليه زكا لحيوان والدري باينة عليه ظريف...أول مرة مشات عليه هاد الكلمة مني كان مربي بيتبول ..كان مهلي فيها ديما ولكن جا الصيف لقا راسو ممسافرش فكر ادير تبزنيسة.. مبغاش يخدم فالقريعة لقا حل فيه الفلوس..علاش متولدش ليه الكلبة ويبيع ليها لولاد بالدات هاد الماركة من لكلاب مطلوبين من ولاد السيكتور ومن الشفارة للي كيبغي يعيق بيهم حدا ليسيات..ولكن خصو كلب لتلاقح الحضارات.. قلنا ليه علاش متمشي عند واحد لوين كيربي لكلاب فلاكاب وخلي عندو هادي للي مربيها ومن بعد خلصوا..زكا قال لينا لا ..نخاف تمرض ولا يعطيها شي حاجة خايبة ولا تولد ليا مجحوم.. الحل فنظر زكرياء يشري بيتبول خاص بيه مزيان ..وعندو دفتر صحي وخا زكا براسو معندوش..عيينا معاه ..زكا ارخص كلب كيسوا 3000 درهم قال لينا لا هنضبر..زكا تسلف من هدا وكال هادي وشفر هادو.. مهم جمع لفلوس ومشا نهار الاحد للقريعة يشري شي بيتبول..مشا بوحدوا باش مني يدخل علينا للدرب نشوفوه جايب معاه الوحش..كنعرفوا أن لبيتبول الخاصية للي فيه ان المنظر ديالو كيحشم بال منشرح..ولكن زكا مني كان كيقلب لكلاب شاف ليهم الودينين وش واقفين قلبهم يمكن فيهم التونية ملقا والو.. صافي شرا الكلب وجاي بيه.. داخل علينا للدرب وفرحان..الكلب زوين ولكن حاجة مشي تالهيه فهاد الكلب معرفتهاش.. واحد الوقت دايز كاليميرو ولد لعساس.. سول زكرياء واش ذكر ولا نتوة.. عاد عرفت علاش الكل فشكل.. شرا كلب ذكر ولكن بلا بطاريات..الدرب كلو تهز بالضحك على زكا..مشينا معاه للقريعة لقينا هداك للي باع ليه لكلب مكاينش..المهم سيمانة وزكا مكيخرج من الدار جاه اكتئاب والكلب معرفش

مراد هو الدري الظريف فدارهم..خوتو كلهم شابعين قوالب من غير خوم للي مسمين عليه ميناو..ولكن ديفو للخايب فيه أنو عزيز عليه جماعة للعيالات كنعاود ليه شي حاجة نلقا الوالدة ديالو فخبارها..ولا شحال من مرة كيطلع ليا الدم..كيصفط ليا دري للدار مني نزل كنلقاه داخل لدارهم نعيط عليه يقولوا ليا راه كيمشط.. كيخرج هاز قفة ..علاش أمراد.. باغيني نمشي معاه للسويقة يتقدا الخضرة لدراهم..ديما جابد ليا الصداع مني كنتلاقا مع الوالدة فالسوق كتقول ليا كتمشي مع مراد للسويقة وعمرك متسخرتي ليا..كيزيد يفقصني مني يدا يتعزل فالبطاطا كنلوح ليه لبطاطا فالميزان يزرب هو كيرجها ويبدا يتفلسف عليا... هادي ديال لفريق هادي ديال معرفت شنو..فالليل كيخرج لينا لكراسى نبركوا قدام دراهم ..مرة مرة كتعيط عليه ختو يشوف لقطة من برنامج بحال سطار اكاديمي ولا حال داكشي..فتفجيرات 16 ماي قال ليه خويا كثر مني لبوليس مني يشدوك هيقولوا فالتلفزة القبض على مراد الشهير بابو عتية وأبو كرسي..لحقاش مكيفوتش عتبة باب دارهم..نهار قلنا ليه مراد ضبر على خدمة راك قاري عام فلافاك دفع لشي مطعم ولا مرجان كيقول ليا لا كيخدموا غير الدريات فلاكيس.. الدري متفائل حساب ليه هيحسب لفلوس.. كنقولوا ليه غير دفع هاد لبلاد عاطية للعروبي والمكلخ ونتا فيك هاد الصفات بجوج..كيكعا ويدخل للكراسى ..نقولوا ليه غير كنشدوا فيك رد للكراسى كيرد عليا لا الدار كيصبنو عليهم ..وصلات بيه البلادة أني نعاود ليه حاجة وقعات ليا كيعادوها ليا غدا أنها وقهات لخوه..واحد النهار الجار قال ليه راه كاينة خدمة فسونطر حلوه فدرب عمر سير خدم تما راه كنعرف مولاه..قلت ليه مبروك التحرك وخا محال تصبر..دابا مراد كيفيق مع 6 صباح

واحد لولد صغير ديما خارج ليا فعودي كنضحك ونلعب معاه ديما..زوين..فمريكان تلعب مع دري وتبوسو يعوكشوك..نرجعوا لهاد الشوية للي دغيا كبر..للي فات 3 سنين مكيبقاش عندي فحكم الصبي.البرائة كتمشي والقوالب كيدخلوا..كنخرج من الدار كيلصقني نبقا معاه يمكن باباه كيخرج بكري مكيشفوش حتا لوالدة ديالو كتقول ليا نتا عزيز عليه كنتهنا غير ايلا كان معاك...تانا كنخاف يصدق الدري موضر ولا خاطفينو تقول ليهم كيكون مع فلان..هاد الدري الصغار مشكلة كتكون محترم وكلشي كيوقرك ويمشي كلشي هادشي كلوا... علاش ..برهوش منوض الصداع تحت الشرجم كتجري عليه كيرد الهدرة كضرب ليه راسو مع الحيط كيجي باه كثر منو..ممربيش كتوليو دراري..

الصداع ديما مكندخلش ليه ..غير كتجي فشكل مني كتوقف عليا مرةوختها..علاش.. لحقاش بوطت شي حاجة دايزة من حدايا..ديك الحاجة كتكون دري قلق ليا الراحة..لمرا كتجي وتغوت "تعديتي ليا على ولدي " "باه قبيح وخوتي مكيتفاهموش" وختها المثقفة كتبدا تفلسف وتعبر "خويا مكانش خصك دير راسك فدري صغير راك بعقلك.."يعني بالعربية أنا برهوش داير عقلي فولد ختها..كنبغي غير ندوي كيجي شي جار لابس فوقية داير فيها مول لعقل كيجر فيا ويقول ليا متغاوتش مع لعيالات هتشوه راسك..نسا أنو دار شوهة مني جرني قدام الشعب.

فالمقابل كاين للي مربي ولادو تبارك الله..كيسمعوا الهدرة..واحد لمرة دقيت على دار غير نسول

من شهرين تاصل بيا صاحبي فالتلفون..كان عندوا امتحان واش يتقبل فالسلك الثالث فلافاك..قال ليا مقبلوهش فالشفوي غير باقي عند دوزييم شونص..الله ينجحوا.. هاد الدري مشي انا للي كنقلوها بوحدي..فلان الله يعمرها دار ومعقول..من جهتي يمكن نحسب ليه شحال من ساعة غيب فالاعدادي والثانوي محدودة..عمرو مخسر ولا تساب مع شي حد من غيري بالطبع..

هاد امتحان ديال طروازيام سيكل نجح فالكتابي حيت غيز ليهم كلي ملقاو سبة يطيروه.. ولكن ولابد يلقاو لبنادم سبة فالشفوي..دخل سولوه جاوب بغاو يخلعوه لقاوه كاوي على الخالعة..قالو ليه سير الله يعاونك مزيان..طلعات النتيجة لقاهم شردوه..ولكن كيما قال راه باقة فرصة ثانية وراه نجح فيها وعندو امتحانات دابا الله يعاونو..

هاد الشفوي سواء فالخدمة ولا لقراية مشكلة..دابا مبقاش الشفوي فلافاك..دزت عامين شفوي تما ولكن دزت جبهة..كيعاودوا ليا الدراري للي دازو من ديك المرحلة على أساتذة ديال السلك الثاني كانوا كيجيو سكرانين ولا معطلين..شي وحدين كيطرحوا أسئلة لا علاقة..شي أساتذة دوزوا صغرهم قراية دابا باغين يعيشوا المراهقة ويديروا علاقة صحة..ولا كيحرجوا شي واحد يقولوا ليه شحال عندنا من درهم فالمغرب.. الدري كيبقا يحسب فنسب التضخم والاحتياطي ويعرق وينشف..فالأخير كيقول ليه الاستاذ سير أولدي تالعم الجاي فهاد الوقت ..كاينين جوج دراهم درهم كرافاط درهم بلا كرافاط..

داك النهار مكاين ميدار للي خدام ولا ناعس فدارهم عييت من الدوران والعصير فالقهاوي دخلت أول سبير لقيتوا..السبيرات ديما كتلقا لبوسط للي فالقنت ولا مخبيين عامرين..للي كيشوف ليكرو بعين ويحضي يعين كنعرفوا اينا سيت جابد ولا للي مكتسمعش تقرقيب لكلافيي عرفوا كيتفرج فشي خاجة بحال وجهوا..بعض الظن اثم..واحدة باركة حدايا كدوي مع شي واحد من هادوك كتحلف ليه وتقول ليه هنكتب ليك هاد الكلمة..دايرة فيها حشمانة وخا كاين شي وحدات أنا كنحشم بلاصتهم..داير كاسك بلا صوت طالق وذني كنسمع ليها كتقول ليه بحب الراجل لحمش.. والقرد فرحان ..مقابل معايا واحد الدريكيستيتي مع شي كندية ولا فرنسية عندو مع فرونصي ديال ميدي 1..السبير فالليل كيكون زوين كسكونوا فيه غير هما..كنعرف وحدة ديما كذخل ضاربة المرطوب لوجهها هي وشي صحاباتها ولا خواتاتها..كاريين حدايا...وخا طالبات كنلقا فالطارو ديالهم فالصباح لفرماج والبيتزا ودانون..مكنقلبوش..أنا للعكس عندي فالدار مصنع لتدوير النفايات تاحاجة مكتلاح..مهم هاد الأخوات الفاضلات كيدخلوا مول السبير كيبدا يفيبري كيركب ليهم لكام خاصة فيها الضو.. وللي بغاوها تجيهم فلبلاصة ونبدا نسمع فنايل سات اللهجات كلها خدامة ولبورطابلات كيصونيو..أما دراري مساكن محشرين تابعاهم لبطالة والهم والعقد..واحد بارك حدايا لقيتو كيقول ليا نحيد ليه لكام..يمكن شي محدة قالت ليه دير لكام درتم معاه زوين خليه يفرح.. وقيلا قال ليا انو كيشبه لرامي عياش..رامي عياش واكل التوكال..الدريات كيكونوا شابعين عياقة ومطلوبين..تزيد الهدرة مع وحدة تبلوكيك ولا تبغي تربيك..يمكن تلاقاها برا تصرفقها ولا متعقلش عليها..ولا للي عاد عرفتيها تقول لك قل لياشي حاجة فشكل لقيت أنا

خرج المغاربة للشارع أكثر من مرة تضامنا مع فلسطين والقدس مسرى النبى العدنان وخرج تضامنا مع العراق أرض الأنبياء وارسل جنودا للقتال مع مصر وسوريا في حرب أكتوبر وساند بلد المليون شهيد في صراعها مع الابادةالفرنسية وايضا تضامن مع لبنان وقلوبنا مع السودان في صراعه ضد تقسيمه وتجزئته ..ربما نحن لبعدنا الوحيدون الذين لا نفرق بين السني والشيعي القومي والاسلامي..المهم كل من نشم فيه رائحة العروبة والاسلام ندعمه بدون تحفظ..لا نتأمر على اي حركة مقاومة كما فعلت بعض الدول الشقيقة لا نتدخل في الشؤون الداخلية للدول العربية.. لكن كيف كانت المعاملة معنا..الجزائر تدعم كيانا انفصاليا ضدنا وتساعده بالسلاح وتحتجز باسمه الاف المغاربة بل ولم تنتظر طويلا بعد استقلالهاوخاضت حربا ضد المغرب من حسن الظ أن المغرب ربحهاولم يتمادى ويتدخل في ترابهابعد أن ابتعلت صحرائنا الشرقية والان تطمع في الغربية..مصر ساندت الجزائر في حرب الرمال بطائراتها ضد المغرب لكن لحسن الحظ ان طياريها نزلوا في ارض مغربية وامسكهم الأهالي وكان من بين الطيارين كما قال الصحفي مصطفى العلوي طيار اسمه محمد حسني مبارك.. والمغرب بعد تلك الواقعة ساعدها في حربها ضد اسرائيل مصر الأن لا مشاكل لنا معها..سوريا التي حارب الجنود المغاربة بشراسة دفاعا عنها في الجولان بشهادة المؤرخين اليهود وشهادة مقابرهم الموجودة حاليا هناك وشهادة مدينة القنيطرة السورية التي دمرت عن أخرها لأن المغاربة لم يتعلموا الانسحاب من أرض المعركة..لم تنتظر هي ايضا كثيرا وزودت البوليساريو باسلحة ضد المغرب واستشهد جنود مغاربة بالغام سورية في الصحراء ولا أستبعد ان يكون من الشهداء من حارب في الجولان ومازالت سوريا تحتضن مكتبا

يوسف لعشية عندو خاوية والقضية ناشفة ايلا بغا يخرج مع دراري ليكول خصو ميزانية عاد داخل للدرب شاف دراري واقفين حدا البنك حاضيين الديفيلي للي خارج من الثانويات سولهم فين هيشدوها لعشية ..تاهما كثر منو لمخير فجيبو 20 درهم دار معاهم من بعد لغذا يتقداو شي كيكة ويقلبوها دوران كعبة على رجليهم..غير تغدا لقا مروان مشا معاه عند لبزناس لقاوه زاد فيها درهم بداو يتحبسوا معاه وهو يبكي عليهم ..صافي قسموا الصبر وشراو داكشي..دوزوه مع كاس أتاي وبدلو لقنت..وقفوا فراس الدرس كيتسناوها طلع ولا يطلعوها على شي واحد..لقاو دري من لمعارف دار التقصير كل واحد كيشد فيه واحد الوقت محسوش كيفاش وصل الاخوان ترفعوا كاملين.. موطور غادي يحساب ليهم رموك بنادم غادي يشوفوه جاي..يوسف كطلع ليه تبويقة على حاجة وحدة يشد قنت ويبدا يخمم مروان كيبدا يجبد حسابات داز عليهم قرن ..سمحمد كطلع ليه على بنادم للي داز يشد فيه ولا يشنق عليه..بدلو لبلاصة يصدق جابد ليهم الصداع..ضربوا للقهوة لقاو دراري لاعبين كولفازور وشي وحدين كيتفرجوا فبرنامج لحيوانات كالشارفات..شي ماركات كتشوفهم غير نهار كتكون موضر..الجهد باقي..نزلوا لارميطاج بنادم لاعب..دازو قدام مولاي عبد الله قراو فيها وتعلموا فيها كلشي..العساس باقي كيحضي لماطر ويبيع الديطاي.. باقي يمكن كيتسالهم شي حاجة من عام لفيل.. أول كارو شراوه من عندو..واحد لوقت لقاو سمحمد معطل عليهم..لمسخوط تبع شي كليميني ساكنة فشي فيلا.. رجعوا جروه يصدق خارج ليهم بيتبول..وصلو للدرب كلشي تلاح لدارهم..بنادم فهاد الحالة كيجيه شي جوع غير ربي يحفظ شي مصران يتقطع..كل واحد وزهروا للي لقا القص محطوط كيضرب كلشي للي ملقا كيشوف الثلاجة للي ملقا والو كيضرب الكيسان

من يتابع البرامج والافلام الأجنبية وخاصة الأمريكية يلاحظ أن نظامهم القضائي مختلف كثيرا عن ما نألفه نظام يعطي للمدعي العام صلاحية التفاوض مع المتهم على التهمة مقابل التخفيف..مثلا يمكن للمدعي أن يتهم المتهم بالقتل العمد دون الترصد أو القتل الناجم عن اللامبالاة مقابل اعترافه بالذنب..في ذلك صالح للمتهم لأن العقوبة تخفض ويمكن له ان يستفيد من العفو الذي يكون لمن يستحق وليس لمن هب ودب وايضا في صالح المدعي العام لأن ملفه تضاف له ميزة ويساعده ذلك في الترقي ..أما القاضي فليس له صلاحية تحديد هل المتهم مذنب أم لا هناك هيئة محلفين تتكون من مواطنين عاديين كالمعطي والعربي وبوشعيب يتم اختيارهم عشوائيا مع ضرورة أن يكون أعضائها بدون سوابق ولا علاقة بالقضية وليس لهم أحكام مسبقة أمام الهيئة يمر المدعي العام والدفاع والشهود والمتهم كل واحد يدافع عن رأيه والقاضي كالمايسترو ينظم الجلسة وفي الأخير المحلفون من يقررون هل المذنب مذنب أم لا والقاضي يحدد العقوبة ان كان المتهم مذنب.. نظام جميل أفضله مادمنا في كل الأحوال لا نحكم بشرع الله..لكنه لا يصلح لنا لأن لنا مشكلة اصلا مع شهود الزور والفساد ..كيف سيتم اختيار المحلفين ومن سيختارهم الخوف أن يكونوا كله من عائلة المتهم أو المشتكي على حسب قدراتهم المالية

لكن المهم هنا هو أنه في تهم يمكن فيها للقاضي حبس المتهم لا يفعل بل يحكم عليه بأداء نوع من الخدمة للمجتمع ربما لو جربنا تلك العقوبة هنا لحققت مالم يقدر السجن على تحقيقه مثلا بدل الحكم على برلماني بالحبس أو المنع السياسة لا بأس من الزامه بتنظيف المراحيض ولا