داخل عالصباح النهار الأول فالسيمانة.. ساعتين عالصباح ميجي القسم يكمل حتا كدوز نص ساعة.. كل واحد كيشد لبوسط ديالو.. البروف تاهوا جاي عياااان ..فرق علينا شي وراق نديروا ش تمرين وللا تخربيق..أنا حدا لباب.. للي كيدخل كيجيه يسلم عليا غير بدقة فالظهر.. وشي دريات دايرين شي ريحة مجهدة عالصباح .. كنتسنا ل pc يشعل.. ديك الصاطة مجاتش ليوم.. كون سحابني منريحش فهاد البوسط.. كتريح ديما حداه.. مربية تبارك الله كلشي كيظراف معاها حتا صلاح الرجاوي ولد لحي..

وصلات 9 ..واحد لوقت لبروف قال "سمحمد جمع وراقك وخرج" ههههههه.. مكيتعلمش ديما جابد سيت بحال وجهو.. كينسا أن لبروف كيشوف كلشي من لبوسط ديالو..مراقب كلشي..هاوا لبروف خرج.. الحمد الله..ندخلوا لسيت شاط فرنسي.. فاطمة الزهراء داخلة.. داخلها بسمية فاتي.. مفيا منشد فيها عالصباح

وصلات العشرة.. الله.. نزلوا بعدا نعصروا قدام المدرسة.. شي وحدين عاد جايين ..كيسول فيا واحد منهم ..أش درتو.. ونا مالي..جي فالصباح وشوف.. الناس مني كانوا كيغيبوا فالليسي كنتي كتجي ديما.. دابا عاد كتغيب …الصباحة الله..واحد من الفوج كيفرق وراق ديال شي بوم.. زعما دري كووول..كيمشي غير عند الدريات ويشرح ليهم.. ويرمش ويضحك ليهم.. دار راسو مشافنيش.. تسنا.. هوا جا دواك.. يونس.. نشدو فيك …"أمالك أصاحبي ..كتفرق علا من بغيتي"كيجي ويضحك.. عارفوا باغي يبدا يسب..غير قدام الدريات كيكون كالكلب..بداو الأوباش كيتجمعوا كاملين ..عزيز خرج يجمع فالدراري .. معرفت لحد الأن واش عساس وللا حضاي وللا خدام فالادارة..

صافي هحنا دخلنا ..جاية عندي واحد الأخت "لباس ..سافا..  عطيني لكور ديالك..نتا كتحضر ديما" كنحضر ديما..?..تهمة هادي.. معرفت علاش كنبان دمدومة  لشي وحدين وللا  وحدات.. فيا منقول ليها "للللللللللأح" نتي شابعة ديما دوران وغياب.. درتي لينا باركينغ هنا.. واحد حاطك لاخر هازك.. لبورطابل كتبدليه من سيمانة لسيمانة وخا تكوني مزوجة بالرماش.. غير حشومة..كل واحد وظروفو.. قلت ليه ونا كنشوف فيها بنص عين "ايمتا هترديه ".. " هندير غير فوطوكوبي  بغيتي تجي معايا للمكتبة اجي معايا.. متخافش".. كوليني.. حمري فيا…سؤال واحد.. وطلعات وهبطات فيا..سيري الله يعفو عليك.. تسحاب راسك فمدينة بوحدك.. عطا الله المراسلين المعتمدين.. لخبار تهرب منهم و يجيوك.. دوزنا المادة غير بالصبر

عشية كتكون ديما حسن.. مواد ساهلين ونيت يمكن تشبع دوران معا العديان والصيطان.. وتوضروا لميخخي بشي جوان.. وتشدوا في ماركات .. الله يعفو علينا ونشدوا طريق مزيانة..معا هاد لبلاد طالبين غير التعادل