المدونة التالية
كافة المدونات

لهذا المغاربة أحسن.. ..لهجة مغربية

كتبهاmohamed iddar ، في 9 مارس 2007 الساعة: 09:14 ص

الحمد الله المغرب عايشين فيه وقابلين به وهو قابل
علينا..صراحة هو للي قابل علينا أجمل بلد في العالم حنا مسخناه..كاين الفقر وكلشي ولكن للي عاطينا الله عاطيه لينا فالشفوي..هاد اللسان معقدين به أمة ديال بنادم..للي كيشكر فراسو ويقول أنه أم الدنيا ولا بلاد الشهداء ولا ارض الخير كيوصل لينا كيطلب التعادل..متيقتيش شف غير مني كيكون المنتخب لاعب مع شي منتخب من هادوك للي على بالك..كيبداو يفيبريو..ويقلبو على العيب فينا ويسميونا وليدات فرنسا ولا بلاد السحارة ولا كيبداو يدخلوا فالأعراض..هادشي كلوا كيبين أن عندهم حاجة غريبة كيحسوا بيها من جيهتنا وخا عمرنا محتليناهم ولا دخلنا معاهم فالعظم..عاطين لهبش التيساع..ولا ربحناهم فشهر ولا ست ايام..وكاين للي كيقول لينا عندكم ليهود ومليون يهودي مغربي راهم فاسرائيل.. كيقولوها بوجه حمر.. نتوما قديتو على يهود مغاربة عاد تقدوا على مغاربة مسلمين.
..
كاين الفقر أه ولكن مكاينش الجوع عندنا.. للي معندوش تلقاه واكل كروفيت شحال من مرة.. هما تحط لشي قرد طبسيل منو والله ميعرف منين يبداه..تجيب ليهم بنانة هتجيهم ساهلة.. كيشوفوا القرد فالتلفزة كيفاش كياكلها.. أما لافوكا يوحلوا معاها خصهم يقلبوا فغوغل..
عاقل مني كنت صغير كانوا الحدود مفتوحين مع الجيران.. كانوا كيجيوا للقريعة يتصوروا مع نايك ولا تي شيرت ديال 04 ..ولا كيمشيو لمارشي سنطرال يتصوروا مع لميرنا والتفاح..باش ملي يرجعوا لبلادهم يعيقوا بيها..
واحد صاحبي ختو مزوجة بواحد منهم مشي مغربي..خو الراجل جا للمغرب يحضر لعرس مغربي..سمعو من بعد كيتكلم مع واحد فالتلفون كيعاود ليه على العرس المغربي "و صاحا خويا..شبعنا لحيمة وزبيب وبرقوق" الدري سولوا علاش نتوما عندكم أش كديروا ..قال ليه كنلوحوا دجاجة فبرمة وكنشربوا المرقة..أه ربي السلامة كيخسروا بزااااااااااف.. ومالهم على البوزيق والطيارات كيشريو دوزيام شوا من روسيا..
أما البوكاديو عندهم فيه الحمص..تقول ليه دير فيه صوصيطة يشير عليك بكرسي..حساب بيه كتشد فيه..
وقبل منذكر موضوع الأخلاق للي فارعين لينا راسنا بيه..للي عاقل على نكتة حقيقية تشهرات مني لعبات الوداد مع اتحاد واغادوغو بلا مندكر سمية الفرقة الحقيقي شي دراري تبعا الوداد تما..دخلوا لمجبنة تما.. قالوا لمول الشي عصينا بناشي..قال ليهم اشنو ..قالوا ليه زعما عصير التفاح والبنان ولافوكا واللوز.. السيد قال ليهم..حبس حبس حبس حساب راسكم فالجنة..
مساكن على هادشي ناضت عندهم فالبلاد الروينة كلشي كيقتل و يجاهد بغاو يمشيو للجنة يشربو بناشي.. كن غير جيتو لبلاد الخير عندنا تلقاوه قل من 10 دراهم..
أما مسألة الأخلاق والمقصودين معروفين.. لحوالا ومن تبعهم..اول حاجة للي كيتسالنا شي حاجة يجي ياخذها.. ثاني حاجة واحد القصة كتقول أن راجل صفط ولادو لمدينة بعيدة يبقاو فيها شهر..رجعوا سول الأول قال ليه هاديك المدينة بيرانها ديما عامرين والرجال شفارة والمراوات خارجين ليها..سول الثاني قال ليه الجوامع فالفجر عامرين والرجال كيخافوا الله والمراوات الله يعمرها دار..السيد قال ليهم للي خبيث مشا للخبث وللي طيب مشا للحاجة الطيبة..هادا حال لحوالا ..ربي حكم عليهم من 14 قرن مني قال أن الخبيثون للخبيثات والطيبون للطيبات..وخوتنا فالله كيصنفوا راسهم..ثالث حاجة فرمضان كان جامع الحسن فالتراوخ كيعمر ب 100 الف مصلي وفنفس الشارع فعين الذياب كيكون تقريبا نفس العدد بارك يشيش..كل واحد وهمو..
أما الحاجة الرابعة وهي المهمة.. أن سبب هادشي شي مسؤولين دياولنا دايرين لبوجعران الشان..للي شدوه من دوك لحوالة كيحطوه فطيارة صافي..أحسن حل غير 3 شهور بلا محاكمة فانتظار المحاكمة ويطلقوه.. ولكن هاديك المدة يحطوهم فشي سيلون مع واحد بحال سفاح تارودانت..لا مع خريبشة..هذا ولد الدرب مضروب على الجنس الخشن.. ديما مشدود بتهمة الهتك..هاد الحل للي جابتو للوقت المغرب هيرجع غادي وظهرو للحيط و مخلوع ..هاديك الوقت عاد نقولوا عاشت الأخوة والمصير المشترك…
ولكن نرجعو ونقوالوا العيب فشي وحدات تاهما دايرين لينا شوهة ..تحضيهم هنا يشوهونا برا.. للي جا يصورهم  ..غير ليوم قريت مقال لصحافية مغربية مسكينة طالع ليها الدم.. من شي قردة من ديالونا مشاركة فستار أكاديمي.. لاصقة فشي حولي وهوا قالب عليها وكيصفط ليها صحابو تقلب عليه وهيا كتصفط ليه صحاباتها لعل وعسى يحن عليها..
الله يهديهم حتى يديهم

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج  |   دوّن الإدراج  

18 تعليق على “لهذا المغاربة أحسن.. ..لهجة مغربية”

  1. sana قال:
    مارس 9th, 2007 at 9 مارس 2007 12:18 م

    نعم اخي جوبا ما تقوله صحيح , فنحن المغاربة فقط نعلم حر الكي الذي يكوينا به اشقائنا العرب الذين طالنا اذاهم اكثر من الغرب

  2. مجهول قال:
    مارس 15th, 2007 at 15 مارس 2007 12:54 ص

    أضحكتني وافرحتني وسلم قلمك.

  3. sultanswing قال:
    مارس 15th, 2007 at 15 مارس 2007 4:57 م

    أتمنى أخيMohamed أن تقرأ التعاليق في هذا الموضوع ..وشوف هذ الحاقدين فين وصلوا

    http://www.alarabiya.net/Articles/2007/03/15/32581.htm

  4. مجهول قال:
    مارس 16th, 2007 at 16 مارس 2007 2:19 ص

    حشوما عليك بزاف تضرب المتل فالقوة باليهود خوت القردة و الخنازير
    كنت مفاهم معاك ف كلشي و لكن غ نحسب غ زقلتيها
    الله يسمحليك

  5. mohamed iddar قال:
    مارس 16th, 2007 at 16 مارس 2007 3:23 ص

    للرد الأخير حاشا نفضلهم على خوتنا ولكن عندما يريدون سب المغاربة يقولون عنا أن أغلبيتنا يهود وابناء فرنسا..نحن مغاربة مسلمون ونحب فلسطين وكل الأقطار الاسلامية وكفى..لا ننتظر منهم أن يحبونا..وشكرا لردك أخي الكريم

  6. F-Blady قال:
    مارس 17th, 2007 at 17 مارس 2007 4:05 ص

    السلام عليكم

    الفكرة جميلة لكني لا اتفق معك تماما في الاسبوع

    اما بالنسبة للعلاقة بيننا و بين باقي الدول العربية

    فهذا امر عادي كما اظن

    لان من يطلق كل تلك الاشاعات عن المغرب هم من العنصريين المتطرفين

    و حتى في قلب المغرب الحبيب هناك متطرفين يقولون انهم سادة الناس و ان الاخرين عروبية او ناسس ديال الداخل او شلوح و عرب او او او

    المهم يا جوبا هو ان تعمل الجميع على تقديم المغرب و التعريف به و بدوره الكبير في نقل الحضارة الاسلامية من الشرق الى الغرب

    lmohim a si joba, mnt tu dois pas oublier l’adresse de mon blog

  7. مجهول قال:
    مارس 25th, 2007 at 25 مارس 2007 5:46 م

    محيمد لسانك هيقتلك أش دانا لعريبان و لا عقدوك فأكادير

    عريبان زوينين هاهاها

  8. مجهول قال:
    مارس 26th, 2007 at 26 مارس 2007 12:53 م

    je suis tunisien,mais je remarque que vous consédérer que tous les arabes vous détestent mais ça c’est faut car nous au moin on vous aiment avec les algériens je crois ,mais je vous assurent q’on vous adorent,et vive l’afrique dunord et le maghreb el araby

  9. مجهول قال:
    مارس 27th, 2007 at 27 مارس 2007 8:55 م

    fdhhdthj

  10. مجهول قال:
    أبريل 5th, 2007 at 5 أبريل 2007 3:08 م

    tbark allah 3lik a khay ollah ta za3ma ma3andi mangol. lmohim lah ihdi ljami3 7na mawssalna 7ad o homa kaydoro bina mafahemsh ash baghin b7al dok ljiran kif magalti. galek baghin al7oria l sho3ob ga3 ma3taw lsha3b ta3hom l7oria b9a lihom gha lokhrin . willa bssa7 bghaw 7a9 ta9rir almassir i3.tiwh lel qbail rah ma7amlinsh yb9aw m3ahom

  11. مجهول قال:
    أبريل 10th, 2007 at 10 أبريل 2007 5:12 م

    ECOUTE MON POTE WELLAH CHAPEAUU A TOI VRAIMENT T UN CATASTROPHE .BRAVOOO J4AIME BIEN FAIRE TA CONNAISSANCE VOILA MN MSN MIDO_AERO23@HTM.FR

    SIMO INGENIEUR AERONAUTIK SPATIAL-FRANCE

  12. مجهول قال:
    أبريل 14th, 2007 at 14 أبريل 2007 3:43 م

    و الله راك صافا و قلت شي حوايج كنت نظن أنني بوحدي اللي ملاحظها خصوصا أنني ما فاهمش علاش كاع العرب دايرين علينا حملة و يهدروا فينا غير بالسوء و لكن أنا نظن بأن الإعلام في المغرب يعني القنوات التلفزية هي اللي ما عندهاش استراتيجية باش تدافع على المغرب و تعرف به كما يجب و حتى فنيا مسلسلات أفلام و أغاني المغاربة طاح ليهم النيفو شوية و هاد الشي نقدروا نتداركوه في رمش العين لو المسؤولين تاعنا يفهموا الدور تاع الثقافة و المجال الفني و كدلك يعطوا الفرصة للي يستحقها ماش للمعارف و صحاب الكو دو بيسطون

  13. مجهول قال:
    أبريل 14th, 2007 at 14 أبريل 2007 9:12 م

    خويا بصراحة زدت فيه بزاف. حقيقة ان بعض ما قلته حقيقي. لكنهم ان عاملوا هكذا فانهم ليسوا اسوة لنا. و لا تنسى قول رسول الله عليه الصلاة و السلام ( مثل المؤمنين في توادهم وتعاطفه كمثل الجسد الواحد اذا اشتكى منه عضو تداعى له سائر الجسد بالسهر و الحمى)

  14. مجهول قال:
    أبريل 19th, 2007 at 19 أبريل 2007 6:53 م

    قال رسول الله صلى الله عليه و سلم من قال سبحان و الله وبحمده في اليوم مائة مرة غفرت خطاياه وان كانت مثل زبد البحر.صدق رسول الله.

  15. مجهول قال:
    أبريل 19th, 2007 at 19 أبريل 2007 6:55 م

    اصحاب الجنة هم الفائزون.قال رسول الله عليه الصلاة والسلام مثل الذي يذكر ربه و الذي لا يذكر ربه مثل الحي و الميت. اذكروا الله ذكرا كثيرا.

  16. مجهول قال:
    أبريل 21st, 2007 at 21 أبريل 2007 3:40 ص

    كلمتان حبيبتان الى الرحمن ثقيلتان في الميزان خفيفتان على اللسان سبحان الله بحمده سبحان الله العظيم.

  17. adnane bokalista قال:
    أبريل 27th, 2007 at 27 أبريل 2007 4:36 ص

    كاينا اخوي

    انا عضو في المنتدى المغربي وماغاديش تعرفني هههههههه

  18. مجهول قال:
    يونيو 2nd, 2007 at 2 يونيو 2007 3:08 ص

    عادي ..

    اللي ما وصلش للعنب .. تيقول عليه حامض ..

    ما نلومهومش .. كل المشكل فشي ناس معمرين عين الذياب و التوين و كل وحدة تتقلب

    على رزقها .. هاذو اللي خاسهم عقوبات زجرية ..

    أما لاخرين اللي تينزلو من المطار ديريكت تيقلبو على شي وحدة ..

    فالدولة محتاجة ليهم .. حيت مسكينة تتجري ورا السياحة و إذا جرات عليهم غادي تخرب

    مواردها السياحية ..

    الله يهدي ..

    مي انا صراحة ما عجبنيش وصف الشعوب الأخرى .. إذا عيبنا الفقر نشوفو راسنا هو الأول ..

    و ديما النخلة تتضرب بالحجر و تتعطي أطيب التمر ..

    مرووك ..



اكتب تعليــقك
الإسم الذي سيظهر على التعليق
مشتركي مكتوب
اسم آخر

« مغاربة تالموت..
جريمة قتل فيها مغاربة.. وجريمة تشفوا فيها بالمغاربة »