من الايجابيات ديال الأغاني الجديدة والموجة للي فرعوا لينا الراس بها أنها كتعرض المشاكل ديال الواقع بلا نفاق.واحد الأغنية على سامية والغالية للي زوينة يمكن الجملة الأولى كتختصر كلشي كتقول علاش أسامية عندك فلوس وخرجتي للطريق وعلاش أغالية تبعتي للفلوس وخرجتي للطريق..بالعربية كتبين علاش بنادم كيخرج ليها سواء لمرفح ولا لمزلوط..الأغنية وخا خاسرة مكتبررش هادشي العكس كتبين أن العاقبة خايبة وحدة انتحرات وحدة معرفت ليها نسيت تنعاود نسمع ليها..ولكن عيقوا علينا يوميا مبرزطينا بفرقة من هادو للي سروالهم طايحين ومدوزينهم فالتلفزة..بحال ايلا هادشي للي خاصنا فالتنمية الحشرية أما البشرية راه فوق طنجة ب 14 كلم

تقرا جريدة تطلع لك القردة واحد قاتل باه وحدة مقطعة راجلها سرو علاش تزوج.. كل واحد دابا كيلقا يدير شرع يديه ..لقرقوبي كيتباع كثر من توفيتة الشراب كن مكانش ربي محرمو تلقانا كنعوموا بيه..نيت قال ليا واحد الكذاب قهرني بالكذوب عبدو أن الفوودكا كيسيقوا الكوابن بها فروسيا..

كيفاش تفرق بينا وبين أروبا قبيلة أوربة جوامع للب هنا لهيه المحجبات هنا ولهيه العكس عندنا شي محجبات غير الله يستر أما تما كيديروه ويحاربو عليه..عندنا معتدلين هما عندهم أبو قتادة وابو حمزة..لواحد مسكين تلقاه خدام برا وينصح ولادو يلتزموا تقاليد بلادهم ويقول لبنتو لبسي مزيان مغربية كتجي للمغرب كتلقا بنت خالتها ملابسة والو ومهليا وفولاد السكتور

ناري مشيت غالط كندوي على الموسيقى وخرجت فولاد السيكتور كالعادة..نرجعو للور

هاد المجموعات كثرو بحال التليبوتيكات فينما تلقا زليج ولا رخام عرفهم هيتسلطوا عليه فالليل..كنعرف شي دراري زيادة البارح عدنان وامين ويوسف كلهم رجاويين مبليين بهادشي حتا هاد دومين تسلط عليه من هب ودب..دراري الكلخ شادين أيزو فيه راسهم خاوي  من حقهم يدورو عليه يوسخوا حوايجهم لحقاش عندهم صبانة فالدار..ولكن كيعجبهم الحال يبرزطوا الناس فوقت كيكونوا فيه ناعسين ولا شادين التسبيح تلكموند..وحتا للي بعقلهم تلقاهم مبليين بهاد شي.. زكرياء وهشام كنت محرك واحد الناس لقيتهم باركين فجردة ومعاهم مادونا اخت مرياما اخت معروفة فدرب السلطان والنواحي سولتهم اش كديرو هنا قال ليا هشام كنتعلم نضرب الغيتار وباغي نتعلم الطلعة ديال اوطيل كاليفورنيا وسولت زكرياء للي حداه ونتا أش كدير قال ليا هو شوية هبيل انا غير مستمع..الله يمسخك كتسمع ل 60 حزب..وهاد الزوينة بين قوسين للي معاكم قالوا كتعرف القتالة والشمكارة عطيناها 20 درهم تبرك معانا وميتحرش بينا حتا منحرف

هدا حال الموسيقى فبلادنا الوقت تخلطات والدريات كيدافعوا على الدراري